UFC Fight Night 173: Брансон Шахбазянды жеңді
Кештің басты жекпе-жегінде орта салмақтағы Дерек Брансон мен Эдмен Шахбазян жұдырықтасты.
Армян спортшысы кездесуді белсенді бастады, бірақ америкалықтың бірнеше ауыр соққыларын жіберіп алды. Екінші раундта Дерек бірнеше мәрте тейкдаун жасады, Эдман соққыларды жиі өткізіп алды. Үшінші раунд та Шахбазянға оңай тиген жоқ. Ол қарсыласының жойқын шабуылына қарсы тұра алмады. Төреші кездесуді осы жерден тоқтатуға мәжбүр болды.
Осылайша, Дерек Брансон мансабындағы 21-жеңісіне қол жеткізді. Ал Эдмен Шахбазян мансабындағы алғашқы жеңілісіне ұшырады.
