Абдулманап Нурмагомедовтің неден қайтыс болғаны анықталды

Жеңіл салмақта UFC чемпионы ресейлік Хабиб Нурмагомедовтің әкесі әрі бапкері Абдулманап Нурмагомедовтің неден қайтыс болғаны анықталды.

Бүгін Абдулманап Нурмагомедовтің өмірден қайтқаны туралы Шешенстан басшысы Рамзан Кадыров Telegram-каналында жазған болатын.

25 сәуірде пневмониямен ауруханаға түскен Абдулманап Нурмагомедов инсульт алып, жүрегіне ота жасаған соң комаға түскен. Бүгін жаттықтырушы сепсис (ағзаға жұқпалы аурудың тұтас жайылып кетуі) пен миға қан құйылғаннан қайтыс болды.