Дзюдодан әйелдер құрамасының ОЖЖ-на санаулы адам қатысады
Дзюдодан Қазақстанның әйелдер құрамасы оқу-жаттығу жиындарын бастайды. Бірақ коронавирус індетінен сақтану шарасы бойынша оған санаулы адам қатысады. Бұл туралы ҰОК сайтына бас бапкер Ерлан Алпысбаев айтып берді, деп хабарлайды Prosports.kz.
«Дзюдодан Қазақстан әйелдер құрамасы 26 мамыр күні карантиннен кейінгі алғашқы оқу-жаттығу жиынын бастайды. Алматы облысында өтетін жиын 12 маусымға дейін созылады. Одан кейін 26 маусымнан 7 шілдеге дейін Алматы қаласында орналасқан Дзюдо академиясында жаттығуды жалғастыруды жоспарлап отырмыз. Өздеріңіз білетіндей, барлық жиында санитарлық талаптар қатаң сақталады. Спортшылардың қауіпсіздігін ескере отырып, алғашқы оқу-жаттығу жиынына ұлттық құрамадан 10 дзюдошы шақырылады», - дейді бас бапкер Ерлан Алпысбаев.
