Түркиядағы әлем чемпионаты індетке байланысты ауыстырылды

Халықаралық дзюдо федерациясы (IJF) тамыз айында өтуі тиіс жасөспірімдер мен кадеттер арасындағы әлем чемпионатын белгісіз уақытқа шегерді.

Айта кетелік, әлемдік дода 17-25 тамыз аралығында Түркияда өтеді деп жоспарланған. Бұған дейін IJF президенті Мариус Визер барлық турнирлердің 30 маусымға дейін тоқтағанын  хабарлаған болатын.

Өту мерзімін күткен жарыстар қатарында Дохадағы «Мастерс» турнирі, Будапешттегі «Үлкен дулыға» бәсекесі және Қытайдағы Гран-при турнирі бар.