Ғалымбек Кенжебаев: Оқу-жаттығу жиынында барлық санитарлық талап сақталады
Қазақстанның және әлемнің спорт жаңалықтарына жазылыңызБокстан Қазақстан ерлер құрама командасы 25 мамыр күні оқу-жаттығу жиындарын өькізуді бастайды. Бұл туралы республикалық бокс федерациясының баспасөз қызметі мәлімдеді. Аталған жиын төтенше жағдай режимі кезіндегі ұзақ үзілістен кейінгі алғашқы жаттығу болмақ.
– 25 мамыр мен 12 маусым аралығында Алматыда оқу-жаттығу жиындарын өткізуді жоспарлап отырмыз. Жаттығу арнайы физикалық дайындық бойынша өтеді. Жиынды барлық санитарлық талаптарды сақтай отырып өткіземіз. Біз жоспарлап отырған жаттыүу-жиынына ұлттық құрамадан 30 спрортшы шақырылады. Төтенше жағдай кезінде спортшыдар үйлерінде дайындалып, қашықтан онлайн жаттығу жасап жүрдік.
Елде төтенше жағдай режимі тоқтатылған соң 25 мамыр күні жаттығу жиынымызды бастаймыз. Әрі қарай шекараның ашылғанына байланысты жоспар құрамыз. Қазіргі таңда Өзбекстан, Уркина және Ресей құрамаларымен бірге бірлескен оқу-жаттығу жиынын өткізу жоспарда бар. Сонымен қатар, күзде Қазақстан чемпионатын өткіземіз. Сондай-ақ, біздің жоспар бойынша Асқар Құлыбаев атындағы додаға спортшыларды қатысуға шақыра аламыз.
Ал құраманың басқа да әлемдік жарыстарға қатысуын халықаралық жарыс күнтізбесіндегі өзгерістер бойынша қадағалаймыз, - дейді бас бапкер Ғалымбек Кенжебаев.