Батуттағы гимнастикадан Әлем кубогінің екі кезеңі ауыстырылды

Халықаралық гимнастика федерациясы (FIG) коронавирус індетіне байланысты батутта секіруден әлем кубогі кезеңдерінің ауыстырылатынын хабарлады, деп жазады Prosports.kz.

19-20 маусым күні Италияның Брешия қаласында, 27-28 маусымда Португалияның Комбра қаласында өтуі тиіс әлем кубогі кезеңдері белгісіз уақытқа шегерілді. Бұл маусымда батутта секіруден Әзірбайжанның Баку қаласындағы кубоктік кезең ғана өткізілді. Аталған турнир ақпан айында ұйымдастырылған болатын.

Ал шілде айында Швейцарияда жоспарланған жарыс өткізілмейді.