Футболшылар алаңда түкіргені үшін жазалануы мүмкін

ФИФА-ның медицина комитетінің төрағасы Мишель Д’Хоге матч кезінде футболшылардың алаңда түкіруіне қарсы жаза қолдану керегін айтты.

– Алаңда түкіру гигиенаға жатпайды. Оның үстіне біреуді жұқтыру қаупі бар. Футболшылар мұндай әрекетті тоқтатуы қажет. Мүмкін алаңда түкірген футболшыларға сары қағазды көрсету керек шығар?, - деп пікірін айтты Мишель Д’Хоге.

Айта кетейік, бұған дейін Мишель Д’Хоге 2019/20 жылғы маусымның жақын арада жалғасуы коронавирустың екінші толқынын бастауға әсер етуі мүмкін екенін айтқан болатын.