«Карантин Премьер-Лига» турнирі. 1/2 финалдың қорытындысы
Prosports.kz сайтының ұйымдастыруымен өтіп жатқан «Карантин Премьер-Лига» онлайн турнирінің жартылай финалы өтті.
Назарларыңызға кездесулердің нәтижесін ұсынамыз, әрі белсенді атсалысқаны үшін оқырмандарымызға алғыс айтамыз.
Жетісу - Қайрат
Жетісу - турнирдің басты сенсациясы. Талдықорғандық команда «Карантин Премьер-лиганың» жартылай финалда «Қайраттан» басым түсті. Сайт оқырмандарының 62%-ы «Жетісуға» дауыс берсе, 38%-ы «Қайратты» қолдады. Осылайша, «Жетісу» ақтық сынға жолдама алды.
Астана - Ордабасы
Ордабасы - турнирдегі тұрақты түрде жоғары дауыс жинайтын командалардың бірі. Турнирдің бірінші кезеңінен бастап, шымкенттік команда барлық қарсыласын айқын басымдылықпен жеңіп келеді. Жартылай финалда оқырмандарымыздың 70%-ы «Ордабасыға» дауыс берді. Ал елордалық «Астанаға» 30%-ы қолдау көрсетті.
Финалда «Жетісу» мен «Ордабасы» «кездеседі». Блог жаңартуларын қадағалап, Prosports.kz және QFantasy әлеуметтік желілеріне жазылыңыз.