Хабиб бас тартқан UFC 249 турнирінің қайда өтетіні белгілі болды
ESPN мәліметінше, UFC 249 турнирі АҚШ батыс жағалауындағы үндіс резервацияларының бірінде өтеді, деп хабарлайды Prosports.kz порталы.
Мұндай таңдау жасаудың себебі бар, резервацияларда штаттың атлетикалық комиссиясының ережелері әсер етпейді.
Еске салайық, турнир 18 сәуірде Нью-Йоркте өтуі керек болған. Кештің басты жекпе-жегінде Хабиб Нурмагомедов пен Тони Фергюсон кездесуі қажет еді.
Алайда ресейлік файтер коронавирус пандемиясына байланысты турнирге барудан бас тартқан. Ал Нью-Йоркте жағдай қиын - АҚШ-та вирус жұқтырғандардың ең көбі осы қалада тіркелді.
Турнирдің өтетін орны туралы әлі ресми хабарланбады.
