«Ертістің» бұрынғы ойыншысы өзбекстандық клубқа ауысты
Қазақстанда «Оқжетпес» және «Ертіс» сапында доп тепкен түрікменстандық жартылай қорғаушы Арсланмурад Аманов өзбек клубына ауысты.
29 жастағы ойыншы енді өзбекстандық АГМК командасында өнер көрсетеді.
Айта кетейік, Аманов «Оқжетпеске» 2012 жылы өз елінің МТТУ командасынан ауысып келген. Көкшатаулықтар сапында 12 матч өткізіп, 1 гол соққан. Ал «Ертіс» сапында 2014 жылы өнер көрсеткен.
