Шахматтан әлем чемпионы атағына үміткерлер турнирінде 7-тур ойындары өтті

25 наурызда Екатеринбургте (Ресей) шахматтан әлем чемпионы атағы үшін өтіп жатқан турнирдің 7-ші турының ойындары өтті, деп хабарлайды Prosports.kz.

Турнир көшбасшысы, ресейлік гроссмейстер Ян Непомнящий Максим Ваше-Лагравадан жеңіліп қалды. Бұл жеңіс француз шахматшысына ресейлікті ұпай саны бойынша қуып жетуге мүмкіндік берді. Енді олардың есебінде бірдей ұпай бар - 4,5.

Жетінші турдың қалған үш кездесуі тең аяқталды.

Фабиано Каруана (АҚШ) - Ванг Хао (Қытай) - 1/2:1/2.

Динг Лирен (Қытай) - Кирилл Алексеенко (Ресей) - 1/2:1/2.

Аниш Гири (Нидерланды) - Александр Грищук (Ресей) - 1/2:1/2.