«Феррари» қызметкерлерін карантинге жіберді

Итальяндық Ferrari скудериясы Мельбурнда өтуі тиіс болған Formula 1 кезеңінен оралған барлық қызметкерлерді карантинге жіберді, деп хабарлайды Prosports.kz.

Барлық қызметкерлер Феррари ұсынатын қонақ үйлерде орналасады.

Коронавирустық пандемияға байланысты бүкіл әлемде жарыстар тоқтатылды. Көптеген матчтар көрерменсіз өтті. Басқа шектеулер қолданылды. Еуропадағы барлық дерлік елдердің чемпионаттары тоқтатылды.

Коронавирус Қытайда өткен жылдың соңында анықталған. Бүкіл әлем бойынша он мыңдаған адамдар ауруды жұқтырды, бірнеше мың адам қайтыс болды.