Қуат Хамитовтың жекпе-жегі кейінге шегерілді

Қазақстандық спортшы Қуат Хамитов жекпе-жегі әлемдегі коронавирус ахуалына байланысты кейінге шегерілді.

«Найман» лақап атымен танымал спортшы 17 сәуір күні Магнитогорск қаласында жекпе-жек өткізуі қажет болған. Алайда Ресейде барлық спорттық іс-шаралар тоқтатылып не кейінге шегеріліп жатыр.

Айта кетейік, Қуат Хамитов соңғы жекпе-жегін осыдан бір жыл бұрын әзірбайжандық спортшы Нариман Аббасовқа қарсы өткізіп, жеңіліс тапқан болатын. Кейін «Найман» 25 желтоқсан күні Алматыда GFC 23 турнирінде өтетін жекпе-жегі болмай қалды.