Тамерлан Шадукаев Азия чемпионатының финалына шықты

Нью-Делиде (Үндістан) күрес түрлерінен Азия чемпионаты басталды, деп хабарлайды Prosports.kz ҰОК сайтына сілтеме жасай отырып.

77 келіде кілемге шыққан Тамерлан Шадукаев жарыстың финалына жолдама алды. Жартылай финалда ол иорданиялық Сұлтан Али Мохд Дамен Эйдті жеңді. Құрлықтық біріншіліктің алтын жүлдесі үшін Иран балуаны Пеймен Постаммен кездеседі.

Сонымен қатар, Жақанша Хорлан (55 келі), Ернұр Фидахметов (63 келі), Азамат Құстыбаев (87 келі) және Мансұр Шадукаев (130 келі) кіші финалға жолдама алып, жарыстың қола жүлдесі үшін белдеседі.