Каратеден Чилидегі премьер-лига турниріне қатысатын Қазақстан командасы анықталды
Қазақстанның және әлемнің спорт жаңалықтарына жазылыңыз10 қаңтар күні Чилидің Сантьяго қаласында жаңа жылдағы алғашқы әлемдік турнир – А сериясындағы Премьер-лига турнирі басталады. Дүбірлі додаға 65 мемлекеттен 460 спортшы қатысады.
Чилидегі турнирде Қазақстан намысын 12 спортшы қорғайды.
Ерлер:
Дархан Асаділов, Қайсар Алпысбай, Еркінбек Байтөреев (60 келі), Дидар Әмірәлі, Асылбек Мұратов (67 келі), Ермек Айназаров (75 келі), Данияр Юлдашев, Игорь Чехмарев (84 келі).
Әйелдер: Мөлдір Жаңбырбай (50 келі), Сабина Захарова (55 келі), Гузалия Гафурова (61 келі), Софья Берульцева (+68 келі).
Рейтингілік турнир 10-12 қаңтар аралығында өтеді.