«Ақжайық» Қазаннан келген қарсыласын ойсырата ұтты
Допты хоккейден жоғары лига командалары арасында бүкілресейлік жарыста Оралдың «Ақжайығы» өз айдынында «Динамо-Қазан-2» клубын ойсырата ұтты, деп хабарлайды ҚазАқпарат.
<span>Бұл - Николай Шавалдин шәкірттерінің 2019-2020 жылғы маусымдағы «Жастар» стадионындағы алғашқы кездесуі еді. </span>
<span>«Ақжайық» сапындағы ресейлік легионер Максим Пахомов ерекше көзге түсіп, төрт голдың авторы атанды. Тағы бір ресейлік Александр Штеле мен Петр Грибанов қарсыластар қақпасына қос-қостан доп енгізді. 85-минутта Ершат Амангелдиев матчтың нүктесін қойды. Қорытынды есеп – 9:0. Самат Аманшин де әріптестеріне үш мәрте нәтижелі пас шығарып берді. </span>
<span>Ертең командалар екінші кездесуін өткізеді. </span>
<span>Осы бәсекеден кейін 7 ұпай жинаған оралдықтар екінші топта қазандықтарды басып озып, алтыншы орынға көтерілді. </span>
<span>Еске сала кетейік, бұдан бұрын допты хоккейден Қазақстан жастар құрамасының әлем чемпионатында бақ сынағанын жазған болатынбыз.</span>