Қазақ күресінің батырлары марапатталды

Қазақ күресі балуандары мемлекеттік марапатқа ие болды. Қазақ күресі ұлттық федерациясының вице-президенті Арман Шораев жариялады, деп жазады Prosports.kz.

«Кеше Қазақ күресінің тағы бір жылын қорытындыладық. 4 Барысымызды да«Құрмет» орденімен марапаттадық. Олар - Мұхит Тұрсынов, Ержан Шынкеев, Еламан Ерғалиев және Ұлан Рысқұл (Ұлан осыдан бір жұма бұрын Президенттің қолынан марапатқа ие болған). Айбек пен Бейбіт осындай орденге былтыр қол жеткізген. Олармен қатар, жылдың үздік спортшылары, бапкерлері мен төрешілері де қошеметке ие болды. Ризамын! Қазақ күресі өркендей берсін!», деп жазды Шораев.