Елордада Қазақ күресінен VIII Әлем біріншілігі өтіп жатыр

Нұр-Сұлтандағы «Дәулет» спорт кешенінде Қазақ күресінен VIII Әлем біріншілігі өтіп жатыр.

«Дүниежүзілік Қазақ күресі федерациясы 15 жылдың ішінде 52 мемлекетте федерациясын ашқан болатын. Бүгін басталған әлем чемпионатына 36 мемлекет қатысуға тілек білдірді. 36 мемлекеттің қыздар және ерлер тобының балуандары толық құрамда келетінін айтқанымен, ауа райының қолайсыздығына байланысты 8 команда жарысқа кешігіп қалды. Яғни, 28 елдің балуаны боз кілемге шықты», - деді Дүниежүзілік Қазақ күресі федерациясының атқарушы директоры Талғат Мәзібаев турнир барысында.