Сметов Қырғызбаевтан басым түсіп, Masters турнирінің жартылай финалына шықты

Дзюдодан Қытайдың Циндаосында өтіп жатқан Masters халықаралық турнирінде қазақстандық дзюдошылар Елдос Сметов пен Ғұсман Қырғызбаевтың жолдары түйісті, деп хабарлайды Prosports.kz.

Турнирдің жартылай финалына шығу үшін белдескен қос дзюдошы негізгі уақытта бірін-бірі жеңе алмады. Қосымша уақытта қарсыласын иппон әдісімен жеңген Елдос жеңісті жолын жалғастыра түсті.

Ғұсман жұбаныш кездесуінде алдымен британиялық Эшли Маккензимен белдеседі.