Михаил Гурман – маусымның үздік менеджері

Бүгін Қазақстан Кәсіпқой футбол лигасының кеңсесінде Премьер-лига, Бірінші және Екінші Лиганың барлық клубтарының бірінші басшыларының қатысуымен Лиганың Кеңесі өтті, деп жазады

Жиналыс барысында ҚКФЛ президенті Олжас Абраев ҚПЛ-дің үздік менеджері сыйлығын «Астана» футбол клубының бас директоры Михаил Гурманға табыстады. Осы номинация бойынша жеңімпаз барлық клуб жетекшілерінің дауыс беруімен анықталды.

Михаил Ильич елордалық клубқа биыл келді. Клуб өзінің екі негізгі міндетін - Еуропа Лигасының топтық кезеңіне шығу, Қазақстан чемпионы атану міндетін сәтті орындады.