Қазақстан грек-рим күресінен әлем Кубогына қатысады

28-29 қараша күндері Иран астанасы Тегеранда грек-рим күресінен әлем Кубогы өтеді, деп хабарлайды Prosports.kz сайты.

Әлем Кубоыгда Нұр-Сұлтанда өткен әлем чемпионатынан соң үздік сегіздікке енген командалар бақ сынайды.

Қазақстан балуандары Ресей, Иран және Куба құрамаларымен бірге «А» тобына түсті. «В» тобында Өзбекстан, Грузия, Жапония және Венгрия командалары бар. 

Қазақстандық «классиктер» алғашқы матчты Кубаға, екінші кездесуді Ресейге қарсы өткізсе, топтағы үшінші кездесуде кілем қожайындары Иранмен жолығады. 

Әзірге, аталған кубоктік додаға қатысатын балуандар тізімі анықталған жоқ. Әлем кубогі он салмақ дәрежесі бойынша өтеді.