«Астана» футбол клубы – Арыстың жас спортшыларына үлгі

«Астана» футбол клубының бас серіктесі «Самұрық-Қазына» ҰӘҚ» АҚ Арыс қаласының ортылық стадионын қалпына келтіру жұмыстарын жүргізген еді. Бүгін осыған байланысты салтанатты іс-шара өтті.

«Самұрық-Қазына» ұлттық әл-ауқат қорының басшысы Ахметжан Есімов пен Түркістан облысының әкімі Өмірзақ Шөкеев футбол алаңында «Арыс» және «Ордабасы» футбол командалары арасындағы матч алдында допты ойынға қосып, ресми кездесуді бастап берді.

Ойын алдында Ахметжан Есімов «Астана» ойыншыларының қолтаңбасы қойылған допты сыйлыққа беріп, жас спортшылардың алда еліміздің ең табысты клубы сияқты жоғары жетістіктерге жетуіне тілектестік білдірді.