Асхат Ділмұхамедов әлем чемпионатын бесінші орынмен аяқтады

Нұр-Сұлтанда күрес түрлерінен өтіп жатқан әлем чемпионатында грек-рим күресінен 77 келі салмақтағы қола медаль иегерлері анықталды.

Өкінішке қарай, өзбекстандық Жалғасбай Бердімұратовпен кездескен Асхат Ділмұхамедов 1:3 есебімен ұтылып қалды.

Осылайша, Асхат Олимпиада ойындарына жолдама алып, әлем чемпионатында үздік бестікке еніп отыр. Еске сала кетейік, кешегі іріктеу турнирінде Асхат Ділмұхамедов екі дүркін Олимпиада чемпионы Роман Власовты жеңген болатын.