«Құпия» ақпарат

«Құпия» ақпарат

Жұлдыздардың сіз білмейтін құпиялары жайлы

Қүрылған күні:

15 шілде 2017

Блог негізін салушы:

Айбар Рысдаулет

11 қыркүйек

Шумахер 6 жылдық комадан кейін есін жиды

Шумахер 6 жылдық комадан кейін есін жиды

9 қыркүйек күні даңқты автошабандоз Михаэль Шумахерді "құпия емдеуден" өткізу үшін Париждегі емханалардың біріне жеткізілген. Le Parisien мәліметі бойынша, Шумахердің жасушасын ауыстыру бойынша ота жасалған. Отаны әлемге әйгілі кардиохирург Филипп Менаше жасаған. 

Михаэль Шумахерді қараған медбикенің айтуынша, ол есін жиған: "Иә, ол менің жұмыс уақытымда есін жиды. Ол қазір ояу", - деп келтіреді медбикенің сөзін Le Parisien басылымы. Алайда әзірге ешбір дереккөз бұл туралы ресми мәлімдеген жоқ.

Михаэль Шумахер 2013 жылы 29 желтоқсан күні Францияның Мерибеле тау-шаңғы курортында шаңғы теуіп жүргенде оқыс құлап, бас сүйегінен ауыр жарақат алған еді. Ауруханаға ауыр жағдайда келіп түскен Михаэль Шумахер бірден жасанды комаға енгізілді. Сол кезден бері әйгілі пилот әлі есін жимады.

Михаэль Шумахер – әлемнің жеті дүркін чемпионы, көптеген жарыстардың жеңімпазы, дүниежүзіндегі ең жүйрік пилот. Ол 1969 жылдың 3 қаңтарында Германия елінде дүниеге келген. "Шумидің" әкесі (лақап аты) шанағы жоқ көліктер жарыстарын өткізетін клубтың басқарушысы болып қызмет атқарған. Осылайша, Шумахердің мамандығы балалық шағында қалыптасты деп айтуға болады. Кішкентай  Михаэль көлікті тізгіндеуді ерте бастаған. Соның арқасында ол 14 жасында пилот лицензиясына қол жеткізген.

Жастайынан көптеген жарыстарға қатысып, бәсекелестерімен бақ сынасқан. 17 жасқа дейін Шумахер бірнеше еуропалық чемпионаттарда жеңіске жетіп, 21 жасында "Формула-3" жарысында алғаш чемпион атанды. Кейін келе, Шуми Жапонияның "Формула-3000" жарысында көзге түсіп, 1991 жылы Бельгияда өткен Гран-При жарысында "Jordan" командасының құрамында өнер көрсеткен.

2001 жылы Шумахер Ален Просттың рекордың қайталаған – бұрын-соңды Гран-Приді ешкім 3 мәрте жеңген емес. 2004 жылы Михаэль жетінші рет әлем чемпионы атанады. Бұл оқиғадан кейін Шумахер бүкіл әлемге әйгілі болып, көптеген жанкүйерлердің кумиріне айналған. 

Түпнұсқасы:massaget.kz Ошибка в тексте? Выделите и нажмите Ctrl+Enter
Пікірлер 0

Пікір қалдырасыз ба?

Кіріңіз, Тіркеліңіз немесе әлуметтік желі арқылы кіріңіз:

Үздік материалдар

Спасибо. Сообщение об опечатке отправлено нашим редакторам.

Сіз тіркеуден өттіңіз! Сайтымызға кіру үшін авторизацияны қолданыңыз.