СҚО-да спорттық фестиваль өтті

Солтүстік Қазақстан облысында «Қызылжар - 2019» атты ұлттық спорт ойындарының алғашқы фестивалі өтті, деп хабарлайды ҚазАқпарат тілшісі.

Төрт күнге шақталған спорт мерекесі Жамбыл ауданының Пресновка елді мекенінде өтті. Фестивальге 13 ауданнан 800-ден астам спортшы қатысты. Олар ұлттық спорт ойындары: көкпар, аударыспақ, жекпе-жек, қазақ күресі - барлығы 14 спорт түрінен өзара мықтыны анықтады.