Күрес 11.05.2014 20:02

Дзюдо. Раков Бакудегі «Үлкен дулығада» топ жарды

Қазақстанның және әлемнің спорт жаңалықтарына жазылыңыз

100 келіге дейін салмақта өнер көрсететін қазақстандық дзюдошы Максим Раков «Гранд Слэм» сериясындағы Бакуда өтіп жатқан халықаралық турнирде жеңімпаз атанды.

Барлық белдесуде, оның ішінде финалда Әзірбайжан өкілі Эльхан Маммадовқа қарсы күресте де Раков иппонмен жеңіске жетті.

Басқа да қазақстандық спортшыларға тоқталсақ, Әділ Қозыбаев (100 келіге дейін) жетінші орынды місе тұтты. Айбол Айтбек, Тимур Болат (екеуі де 90 келіге дейін салмақта), сондай-ақ бүгін әйелдер арасында жекпе-жекке түскен жалғыз отандасымыз Зарина Райфова турнирді іріктеу кезеңдерінде аяқтады.

Үшінші күннің қорытындысы төмендегідей:

Ерлер

90 келіге дейін

1. Гийом Элмонт (Нидерланды)

2. Ноэл ван'т' Энд (Нидерланды)

3. Мурат Гасиев (Ресей)

3. Бека Гвиниашвили (Грузия)

100 келіге дейін

1. Максим Раков (Қазақстан)

2. Эльхан Маммадов (Әзірбайжан)

3. Соиб Курбонов (Өзбекстан)

3. Рамзиддин Саидов (Өзбекстан)

7. Адильхан Козыбаев (Қазақстан)

100 келіден жоғары

1. Фасиель Джабалла (Тунис)

2. Антон Кривобоков (Ресей)

3. Даниэль Натя (Румыния)

3. Ренат Саидов (Ресей)

Әйелдер

78 келіге дейін

1. Мадлен Малонга (Франция)

2. Ассунта Галеоне (Италия)

3. Анастасия Дмитриева (Ресей)

3. Гуусье Стеенхойс (Нидерланды)

78 келіден жоғары

1. Ким Юнкьонг (Оңтүстік Корея)

2. Нихель Шейх Руху (Тунис)

3. Ксения Чибисова (Ресей)

3. Сандра Яблонските (Литва)