Абель Санчес: Головкин 2-3 жекпе-жекте өзгеріп кете қоймайды
Қазақстанның және әлемнің спорт жаңалықтарына жазылыңызГеннадий Головкиннің бұрынғы бапкері Абель Санчес қазақстандық боксшының жаңа жаттықтырушымен жұмысы жайлы ойын айтты, деп хабарлайды Prosports.kz сайты.
«Адамды өзгерту үшін уақыт керек. Бапкер боксшыны екі-үш жекпе-жекте өзгерте алмайды. Ол үшін екі не үш жыл қажет. Сондықтан, қазір ешқандай өзгерістер көрмейсіздер. Біздің де алғашқы үш-төрт жекпе-жегіміз сондай болған. Кейін өз қарқынымызды алдық. Геннадий қажетті нәрсені жасамағаны үшін бапкер кінәлі емес», - деді Санчес.
Айта кетейік, Головкин биыл 9 жыл бірге жұмыс істеген Абель Санчеспен қоштасқан болатын. Қазір ол жаңа бапкер Джонатан Бэнкспен бірге жұмыс істейді. Оның жаттықтыруымен Головкин канадалық Стив Роллсты ұтқан еді.
