Айбек Нұғымаров: Жеңісімді қазақ еліне арнаймын
Екі дүркін «Әлем барысы», ал бүгін екі дүркін «Қазақстан барысы» атанған балуан Айбек Нұғымаров бүгінгі турнирден кейінгі пікірімен бөлісті.
<span> «Шыны керек, бес балуанмен өткен кездесудің бәрі де оңайға түскен жоқ. Оның үстіне ораза ұстаған едім. Содан аздап әлсіздік болды. Ораза айының біткеніне де үш-ақ күн болды ғой. Алла бұйырып, бүгін жеңімпаз атандық», - деді Айбек Нұғымаров турнирден кейін тікелей эфирде «Қазспорт» тілшісіне берген сұхбатында. </span>
<span>Екі дүркін «Қазақстан барысы» және екі дүркін «Әлем барысы» бүгінгі жарыста жеңіс оңай келмегенін мойындады. </span>
<span>«Біріншіден, өзіңіз білетін Дәулетхан Жақыпов атты өте абыройлы, тәжірибелі спортшымен шықтым. Екінші қарсыласым - Дәурен бауырым да мықты. Одан кейінгі Мұхит бауырымды да жеңу оңай болған жоқ. Сосын алматылық Руслан Әбдіразақовпен шықтым. Бәрі де - «сен тұр, мен атайын» деген балуандар ғой. Финалда да Ерасыл бауырыммен белдесіп, едәуір шаршадым. Өйткені, барлығымен толық бес минут белдесіп шықтым. Ауырлау болды», - деді ол. </span>
<span>Айбек Нұғымаров сондай-ақ «қазақ күресімен шұғылдануды жалғастырасыз ба, әлде жоқ па?» деген сұраққа жауап берді. </span>
<span>«Күресті қоямын деп айта алмаймын. Күресті қоятын бір реті келер. Бұйырса, келесі жылы да күресуге тырысам. Жеңісті ең алдымен үйдегі әке-шешеме, қазақ еліне, шығысқазақстандықтарға арнаймын», - деді Айбек Нұғымаров. </span>
<span>Еске сала кетсек, елордада өткен «Қазақстан барысы-2019» турнирінде Айбек Нұғымаров жеңімпаз атанды. Финалда ол шығысқазақстандық тағы бір балуан Ерасыл Қажыбаевтан айласын асырды. </span>