Балуандарымыз Қытайда топ жарды
Күрес түрлерінен Қытайдың Сиянь қаласында өткен Азия чемпионаты Қазақстан құрамасы үшін сәтті аяқталды.
Бұлай дейтініміз, Әсет Серікбаев шәкірттері құрлықтық додада 5 медаль жеңіп алды. Нұрқожа Қайпанов (70 <span>келі</span>) пен Данияр Қайсанов (74 <span>келі</span>) топ жарса, Саятбек Оқасов (65 <span>келі</span>) финалдық жекпе-жекте сүрінді. Ал Ғалымжан Өсербаев (79 кило) пен Ерғали Әлішер (97 <span>келі</span>) қола жүлдегерлер қатарында.
Әйелдер құрамасына бұйырғаны – төрт қола медаль. Алдымен Валентина Исламова мен Марина Седнева үздік үштікке іліксе, келесі күні Айна Теміртасова (65 кило) мен Жәмила Бақбергенова (65 кило) қола медальға қол жеткізді.
Біріншілікті қорытындылаған грек-рим күресінің өкілдері алтынсыз қалды. 67 килоға дейінгі салмақта финалға шыққан Мейіржан Шермаханбет кореялық Рю Хан Суға 1:5 есебімен жол берді. Ал Қорлан Жақанша (55 келі), Демеу Жадыраев (72 <span>келі</span>), Тамерлан Шадукаев (77 <span>келі</span>), Мақсат Ережепов (82 <span>келі</span>), Азамат Құстұбаев (87 <span>келі</span>), Дамир Күзембаев (130 <span>келі</span>) қоланы қанағат тұтты.