Мейіржан Шермаханбет - Азия чемпионатының күміс жүлдегері

<span>Қытайдың Сиянь қаласында күрес түрлерінен Азия чемпионатында қазақстандық палуан Мейіржан Шермаханбет 67 келіде күміс медаль жеңіп алды, деп хабарлайды Olympic.kz. </span>

<span>Мейіржан Шермаханбет Азия чемпионатының финалында Оңтүстік Корея спортшысы Ру Хан Су 1:5 есебімен жол берді. Айта кетейік, Мейіржан - Қазақстан командасынан финалға шыққан жалғыз грек-рим шебері. 72 келіде Демеу Жадраев қола медаль иеленеді. Үшінші орын үшін өткен белдесуде Демеу өзбекстандық Арам Варданянды жеңді.</span>

<span> 82 келіде Мақсат Ережепов өзбекстандық спортшы Жалгасбай Бердимуратовпен болған кездесуде таза жеңіске жетіп, қола жүлдегер атанды.  Ал, 97 келіде Әлімхан Сыздықов ирандық Махди Аббас Алиярифейзабадиге жол берді.</span><br /><br />