Қазақстандық дзюдошы өлімінің себебі анықталды

<span>11 сәуірде дзюдодан Қазақстан ұлттық құрамасының мүшесі Аэлита Щербакова өмірден өтті, - деп хабарлайды Тengrinews.kz. </span>

<span>Дзюдо федерациясының мәліметі бойынша, 2019 жылы 3 сәуірде Щербаковаға "идиопатиялық аплазиялық анемия" диагнозы қойылып, дзюдошы бірден ем алуға кіріскен. Бірақ дәрігерлер оның өмірін сақтап қала алмады. Енді спортшының жерлеу рәсімі 13 сәуірде өтеді. </span><br /><br />

<span>Аплазиялық анемия деп сырқат адамның сүйек миы қан жасушаларының негізгі түрлері - эритроцит, лейкоцит және тромбоцитті қажетті мөлшерде тарата алмайтын ауруды айтады.  Айта кетейік, Аэлита Щербакова 1995 жылы 5 ақпанда Алматы облысында дүниеге келген. Қазақстанның екі дүркін чемпионы, 2017 жылы Ташкентте өткен әлемдік Гран-при кезеңінің қола жүлдегері атанған, ал былтыр Ақтауда Азия кубогының күміс жүлдесін иеленді. </span><br /><br />