Ақтөбеде банк күзетшісі букмекерлік кеңсені тонаған
<span>Ақтөбедегі банктердің бірінің күзетшісі жұмысына барар жолда букмекерлік кеңсені тонаған, - деп хабарлайды Prosports.kz сайты «Хабар 24» арнасына сілтеме жасап. </span>
<span>23 қаңтарда шамамен таңғы сегізде Ақтөбенің Шернияз көшесінде орналасқан букмекерлік кеңсеге белгісіз біреу келіп, тапаншаға ұқсас затпен қорқытып, ашық түрде 129 мың теңгені алып кеткен. </span>
<span>«Полицейлер ізін суытпай күдіктіні ұстады. Ол қаладағы банктердің бірінде күзетші болып жұмыс істейді. Одан ұрланған қаражат пен ойыншық тапанша тәркіленген», - дейді полиция департаментінің өкілдері. </span>
<span>Осы дерекке қатысты ҚР Қылмыстық кодексінің 191-бабы («Тонау») бойынша сотқа дейінгі тергеу шаралары жүріп жатыр. Күдікті уақытша ұстау изоляторына қамалды.</span><br /><br /><br />