Жансая Әбдімәлік АҚШ-тағы беделді шахмат турниріне шақырту алды
«Saint Louis Chess Club» Жансая Әбдімәлікті «Cairns Cup 2019» әйелдер турниріне қатысуға шақырды. Бұл туралы ҚазАқпарат жазды.
<span>Ұйымдастырушылар жасынан тыс әлемдегі үздік 10 шахматшыны таңдап, АҚШ-қа жеке шақырып отыр. </span>
<span>Жас шахматшының айтуынша, бұл күтпеген оқиға болды. </span>
<span>«Шыны керек, осы турнирге шақырту аламын деп күтпеп едім. «Saint Louis Chess Club» тұжырымы бойынша әлемнің үздік он шахматшысының қатарына кіріп, онда Қазақстанның намысын қорғау үлкен жауапкершілік», - дейді Жансая.</span>
<span> «Cairns Cup 2019» турнирі алғаш рет өткізілгелі отыр, алдағы уақытта ол дәстүрлі турнирлер қатарына қосылады. Партиялар 2 ақпан күні Миссури штатының Сент-Луис қаласындағы әйгілі Chess Club клубында басталады. Спортшылар онда айналым жүйесі бойынша ұпай жинайды. </span>
<span>«Бұл ең жоғары деңгейдегі жарыс болмақ. Жансая оған Қазақстан атынан қатысатын бірден-бір спортшы әрі турнирдің ең жас қатысушысы. Дегенмен оның әлем чемпионаттарындағы ойындары Жансаяның тәжірибелі қарсыластарынан қаймықпайтынын талай рет көрсетті», - дейді Қазақстанның Шахмат федерациясының атқарушы директоры Ирина Грищенко. </span>
<span>Айта кетейік, турнирдің жүлде қоры 150 мың доллар. Бұл әйелдер арасындағы айналым жүйесінде өтетін жарыстар тарихында бұрын-соңды болып көрмеген сома. Бір ерекшелігі, оған қатысушылардың ешқайсысы да сыйақысыз қайтпайды. Бірінші орынға 40 мың доллар, ал оныншы орынға 5 мың доллар тігілген. </span>
<span>Еске сала кетейік, Жансая Әбдімәлік шахматтың барлық түрінен 20 жасқа дейінгілер арасында әлем рейтингінде көш бастап тұр.</span>
