Диас Бахриддин алтын медаль ұтты
Қазақстандық Диас Бахриддин Буэнос-Айрестегі жасөспірімдер Олимпиадасында каноэ есуден чемпион атанды, деп хабарлайды Olympic.kz.
Іріктеу кезеңінде Диас мәреге екінші болып келсе, ширек финалда украиналық спортшыны артта қалдырды. Жартылай финалда ол мажарстандық Балаза Палладан озды. Палланың уақыт көрсеткіші - 1:57.04, Диастың нәтижесі - 1:54.66 Финалда ол өзбек спортшысы Исломжон Абдусломовпен алтынға таласқан болатын. Тартысты өткен жарыста Диас 1:54.66 уақыт көрсеткішімен мәреге бірінші болып келді.
Айта кетейік, биылғы жасөспірімдер Олимпиадасында 58 қазақстандық спорттың 22 түрінен бақ сынап жатыр.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или