Дзюдодан ӘЧ: Аралас командалық сында Қазақстан Ресейден ұтылды

Бүгін Әзірбайжан астанасында дзюдодан лицензиялық әлем чемпионаты аяқталады. Соңғы жарыс күнінде аралас командалық жекпе-жек өтуде. Бұл туралы Olympic.kz жазды. 

Өкінішке қарай, Қазақстан құрамасы алғашқы айналымнан аса алмады. Ресей құрамасына қарсы шыққан біздің спортшылар 0:4 есебімен жеңіліске ұшырады. 

73 келідегі Жансай Смағұлов, 70 келідегі Аелита Щербакова, 90 келідегі Ислам Бозбаев және ауыр салмақтағы Камила Берликаш ресейлік қарсыластарына жол берді. 

Осылайша, дзюдодан әлем чемпионатында Қазақстан 1 күміс және 1 қола медаль иеленді. 

48 келідегі Галбадрах Отгонцэцэг қола, 66 келідегі Ерлан Серікжанов күміс жүлдегер атанған болатын.