Қазақстандық спортшылар 2018 жылы қандай ірі жарыстарға қатысады
Биыл <span>18 қыркүйек пен 2 қазан аралығында Джакарта қаласында Азия ойындары өтеді. Сары құрлықтың сайыпқыран спортшылары үшін жылдың ең маңызды бәсекесі осы болары сөзсіз, деп жазады prosports.kz.</span>
<span>Қазақстандық спортшыларды Азия ойындарынан бөлек бәсі жоғары Әлем чемпионаттары да күтіп тұр. </span>Осы орайда,<span> Олимпиада комитетінің</span><span> ресми сайты </span>биыл олимпиадалық спорт түрлерінен өтетін әлем чемпионаттарының күнтізбесін дайындаған екен.
Семсерлесуден әлем чемпионаты
Өтетін орны: Уси, Қытай
Уақыты: 19-27 шілде
Семсерлесуден әлем чемпионатында 12 медальдар жиынтығы сарапқа салынады. Олардың ішінде 6 бағдарлама ерлерге, 6 бағдарлама әйелдерге тиесілі.
Волейболдан ерлер арасындағы әлем чемпионаты
Өтетін орны: Италияның 6, Болгарияның үш қаласы: Рим, Флоренция, Русе, Бари, Варна, Ассаго, Турин, София, Казалеккьо ди Рено.
Уақыты: 9-30 қыркүйек
Әлем чемпионатына 24 команда қатысады. Өкінішке қарай, Қазақстанның ерлер құрамасы жолдамасыз қалды.
Волейболдан әйелдер арасындағы әлем чемпионаты
Өтетін орны: Жапонияның 6 қаласы: Иокогама, Саппоро, Кобе, Хамамацу, Нагоя, Осака.
Уақыты: 30 қыркүйек – 21 қазан
Волейболдан әйелдер арасындағы әлем чемпионатына жалпы есебі 24 команда қатысады. Олардың қатарында Қазақстан құрамасы да бар. Біздің құрама жеребе бойынша D тобында өнер көрсетеді.
Күрес түрлерінен әлем чемпионаты
Өтетін орны: Будапешт, Венгрия
Уақыты: 22-28 қазан
Әлем чемпионатында еркін күрес, еркін стильдегі әйелдер күресі және грек-рим күресінен жалпы есебі 24 жүлде жиыны сарапқа салынады. Аталған сынға Қазақстан құрамасының балуандары да қатысады.
Дзюдодан әлем чемпионаты
Өтетін орны: Баку, Әзірбайжан
Уақыты: 20-27 қыркүйек
Дзюдодан әлем чемпионаты жыл сайын өтеді. Тек Олимпиада ойындары өтетін жылы ғана біріншілік өткізілмейді. Бакуде 16 жүлделер жиынтығы өз иесін таппақ.
Каратэден (WKF) әлем чемпионаты
Өтетін орны: Мадрид, Испания
Уақыты: 6-11 қараша
Жақында ғана Олимпиада бағдарламасына енген каратэден әлем чемпионаты Мадридтегі 15 мың адам сиятын спорт кешенінде өтеді. Тап осы чемпионатта Токио Олимпиадасына жолдама таратылады.
Ауыр атлетикадан әлем чемпионаты
Өтетін орны: Ашхабад, Түркменстан
Уақыты: 1-10 қараша
Ашхабадта ерлер арасында 84-ші, әйелдер арасында 27-ші әлем біріншілігі өтеді. Аталған дода Токио Олимпиадасына жолдама беретін алғашқы жарыс болып саналады.
Көркем гимнастикадан әлем чемпионаты
Өтетін орны: София, Болгария
Уақыты: 10-16 қыркүйек
Спорттық гимнастикадан әлем чемпионаты
Өтетін орны: Доха, Катар
Уақыты: 12-28 қазан
Тас жолдағы велоспорттан әлем чемпионаты
Өтетін орны: Инсбурк, Австрия
Уақыты: 12-30 қыркүйек