Фируза Шарипованың жекпе-жегінің өтетін орны мен уақыты жарияланды
<span>WIBA, WBU, IBO Championship және WBC Silver бойынша екі түрлі салмақ категориясында бақ сынасатын Фируза Шарипованың кезекті жекпе-жегінің өтетін орны мен уақыты жария болды, деп хабарлайды Prosports.kz тілшісі Allfight.ru порталына сілтеме жасап.</span>
<span>Қазақстандық боксшы қыз испаниялық былғары қолғап шебері Мириам Гутьерреспен кездеседі. Жекпе-жек 4 тамыз күні Ресейдің Санкт-Петербург қаласындағы M-1 аренасында өтеді. Бұл туралы Шарипованың менеджері Сергей Завилейский мәлімдеді.</span>
«Біз M-1 аренаны таңдадық. Жекпе-жеккке арналған жаңа спорт алаңы талаптарға толық жауап береді. Біз трибунадағы жанкүйерлер, сонымен қатар телекөрермендер үшін үлкен шоу жасауға тырысудамыз.
Жекпе-жектің трансляциясына әлемнің түкпір-түкпірінен өтініш түсіп жатыр. Бокс кеші 100-ден аса елде тікелей эфирде көрсетіледі. Фируза - әлемга танымал. оның шайқасын барлығы күтуде», - деді Шарипованың менеджері.
Фирузаның қарсыласы - М. Гутьеррес Испания чемпионы, Әлем және Еуропа чемпионатының жүлдегері. Кәсіби бокс алаңында 7 рет жұдырықтасқан. Жеті жекпе-жекте де жеңіс тұғырына көтерілген. Оның 3-уінде қарсыласын уақытына жетпей тізе бүктірген.
