Бразилия Мексиканы үйіне қайтарды

Әлем чемпионатының 1/8 финалы аясында Бразилия құрамасы мен Мексика ұжымы күш сынасты, деп хабарлайды Prosports.kz сайты.

Тартысты өткен ойында бразилиялықтар жеңіске жетті. Есеп тек екінші таймда ашылған. Ойынның 51-ші минутында Неймар қарсылас қақпасын дәл көздеді. Негізгі уақыт аяқталуына санаулы минуттар қалғандла Фирмино есепті еселей түсті.

Осылайша, Бразилия құрамасы ширек финалға жолдама алды. Олардың қарсыласы бүгін түнде өтетін Бельгия - Жапония ойынында белгілі болады.

Әлем чемпионаты - 2018. 1/8 финал

Бразилия - Мексика 2:0 (0:0)

Голдар: 51' Неймар, 88' Фирмино