UWW Қазақстан құрамасына айыппұл салуы мүмкін

Еркін күрестен Қазақстан құрамасы Америка Құрама Штаттарында өтетін әлем Кубогына қатыспауы мүмкін, деп жазады Prosports.kz сайты.

<span>Бұған себеп, қазақстандық төрт балуан АҚШ-қа аттану үшін визасын ала алмай отыр. Бұл туралы греко-рим, еркін және әйелдер күресі федерациясының вице-президенті Ерлан Қожасбай мәлімдеді. АҚШ елшілігі төрт бірдей спортшыға себепсіз виза бермеген. Қазақстан тарапы Әлем Кубогын ұйымдастырушыларға аталған жайт туралы хабарлап, көмектесуді сұраған. Алайда мәселе шешілмеген.</span>

<span>Қазіргі таңда Қазақстаннан бөлек АҚШ-қа Ресей мен Иран балуандары да виза ала алмаған. </span>

<span>Егер де Қазақстан құрамасы әлем Кубогына қатыса алмаса UWW (Біріккен күрес әлемі) ұйымына үлкен көлемде айыппұл төлейді.</span>