Командаластарының дәрменсіздігіне күйінген Месси алаңнан кетіп қалды

Халықаралық жолдастық кездесуде Испания құрамасы Аргентина футболшыларын қарсылас құрлы көрген жоқ. Иско бастаған испаниялықтар Хорхе Сампаолидің командасын 6:1 есебімен тас-талқан етті.

Бұл кездесуге кішігірім жарақатына байланысты Аргентина құрамасының көшбасшысы Месси қатысқан жоқ. Ол ойынды көрермендер қатарында тамашалап отырды.

Кездесудің 74-ші минутында Аспастан пас алған Иско Испанияның алтыншы голын соқты. Дәл осы кезде төзімі таусылған Месси орнынан тұрып кетті. Командаластарының мынадай масқара есеппен жеңіліп жатқанына күйінген атақты футболшы ойынды әрі қарай тамашалаудың қажеті жоқ деп шешсе керек.