Бекәділ Шаймерденов - Гран При жүлдегері

Агадирде өтіп жатқан Гран При кезеңінде қазақстандық дзюдошы қола медальға ие болды.

Бүгін, Агадир татамиінде 73 келіге дейінгі салмақта сынға түскен Бекәділ Шаймерденов әлемдік Гран При кезеңінің қола жүлдегері атанды. Ол жұбаныш финалында марокколық Ахмед эль Мезятиді вазари ұпйымен жеңіп, ел қоржынына қола жүлдені салды.

Естеріңізге сала кетсек, кеше қазақстандық дзюдошылар 1 алтын және 1 күміс медаль ұтып алған болатын. 11 наурызға дейін жалғасатын додада 38 елден 240 дзюдошы қатысып жатыр.