Нұрислам Санаев Азия чемпионы атанды

Қырғызстанның Бішкек қаласында өтіп жатқан күрес түрлерінен Азия чемпионатының бүгін соңғы күні. Чемпионаттың аяқталар сәтінде белдескен еркін күрес шеберлерінің қатарында төрт қазақстандық балуан бар.

Солардың алғашқысы 61 келіде бақ сынайтын Нұрислам Санаев финалда жапон балуанымен белдесті. Балуандар ұзақ аңдысыт, содан болар ұпай да сараң беріліп жатқан. Бірақ кездесудің соңына қарай отандасымыз күш алып, есепті 6:2 ге жеткізді.

Осылайша, Нұрислам Азия біріншілігінің чемпионы атанды.