Сметов пен Галбадрах Олимпиада стипендиясын алады

Қазақстандық 24 спортшы Олимпиадалық ынтымақтастық бағдарламасы аясында олимпиада стипендиясына ие болды. Стипендиаттар арасында дзюдодан Қазақстан ұлттық құрама командасының спортшылары Елдос Сметов пен Отгонцэцэг Галбадрах бар.

Халықаралық олимпиада комитеті 2020 жылы Токиода өтетін олимпиадаға қатысу мүмкіндігі жоғары спортшыларды іріктеп, оларға 2018 жылдың 1-қаңтарынан бастап арнайы қаржылай стипендия тағайындады.