Қостанайда УЕФА бағдарламасы бойынша қыздар фестивалі өтті
Қазақстан футбол федерациясы УЕФА-ның қолдауымен Қостанайда 13 жасқа дейінгі қыздарға арналған Grassroots Festivals for girls – 2017 шарасын ұйымдастырды. Фестивальді өткізуге Қостанай облыстық дене шынықтыру және спорт басқармасы, облыстық футбол федерациясы және «Тобыл» футбол клубы да атсалысты.
<span>Шараға Қазақстан футбол федерациясының бұқаралық футбол, әйелдер футболы және футзал департаментінің директоры Ерлан Жамантаев, облыстық дене шынықтыру және спорт басқармасының өкілі Дмитрий Грязнов, облыстық футбол федерациясының вице-президенті Болат Ысқақов, «Тобыл» футбол клубының қорғаушысы Тимур Жақыпов қатысты. </span>
<span>Қазақстанның барлық өңірінде фестивальға деген қызығушылық бар. Біз фестивальді ойын түрінде өткіземіз. Балалардың футболға деген қызығушылығын арттырып, кәсіби спортқа бет бұрғанын қалаймыз, - дейді Қазақстан футбол федерациясының бұқаралық футбол, әйелдер футболы және футзал департаментінің директоры Ерлан Жамантаев - Дәл осындай шараны биыл еліміздің оңтүстік және батыс өңірінде ұйымдастырдық. Ақтөбеде өткен фестивальде 18 қыз бала футбол секциясына жазылды. Фестиваль ұйымдастыру – жақсы идея деп санаймын. УЕФА қыздар футболына көп көңіл бөледі. Келесі жылы еліміздің солтүстік өңірін аралаймыз. Қостанай облысы дәл осындай шараны тағы бір рет қабылдайды.</span>
<span>№1 балалар және жасөспірімдер спорт мектебіне жүзден аса бала жиналды. Қазақстан футбол федерациясы қатысушыларға жаңа спорттық киімдер мен футбол доптарын таратты. Қатысушылар 8 топқа бөлінді. Әр топтың өз нұсқаушысы болды. Фестиваль футбол элементтерінен тұратын ойын түрінде өтті. Шараның соңында барлық қатысушылар дипломмен марапатталды.<span id="ctrlcopy"><br /></span></span>