«Don Cup » турнирінде Жансель Дениз күміс жүлдегер атанды
Ресейдің Дондағы Ростов қаласында таеквондодан өткен халықаралық «Don Cup » турнирінде отандасымыз Жансель Дениз күміс жүлдегер атанды, деп хабарлайды қазақстандық басылымдар.
Ресейдің бүкіл облыстарынан ең мықты спортшылар жиналған додада Қазақстан жастар құрамасы да қатысып, олардың арасынан Жансель Дениз күміс жүлдені жеңіп алды.
Естеріңізге сала кетейік, Жансель Дениз жақында Біріккен Араб Әмірлігінде өткен халықаралық жарыста тағы да жүлдегерлер қатарынан көрініп, қола жүлде иеленген. Ол өткен жылы Қазақстан құрамасы сапында Рио Олимпиада ойындарына қатысты.
