Эстафеталық шаңғы жарысынан жүлде бұйырмады
VІІІ қысқы Азия ойындарында қазақстандық шаңғышы қыздар эстафеталық шаңғы жарысынан жүлдесіз қалды, деп хабарлайды prosports.kz.
Аруларымыз эстафеталық 4×5 шақырымда төртінші орынды қанағат тұтты. Эстафета сайысында Ангелина Шурыга, Анжелика Тарасова, Марина Матросова, Елена Коломина сынды спортшыларымыз өнер көрсетті.
Айта кетейік, жарыстаға бас жүлдені Жапония спортшылары еншілесе, екінші орынға қытайлық шаңғышылар жайғасты. Ал үздік үштікті Оңтүстік Корея спортшылары қанжығасына байлады.
