Хоккейшілеріміз қарсыласының қақпасына 19 шайбы соқты

Хоккейден қазақстанның әйелдер құрамасы Гонконг құрамасын қысқы Азия ойындары аясында ойсырата ұтты, деп хабарлайды prosports.kz.

Қазақстандық хокейші қыздар қарсыласының қақпасына 19 шайбы соғып, екінші жеңісіне қол жеткізді.

Айта кетейік, Александр Мальцевтің шәкірттері Оңтүстік Корея құрамасын 1:0 есебімен жеңген. Ал алғашқы екі кездесуде Жапония құрамасынан (0:6) және Қытай қыздарынан (3:8) есебімен ұтылды. Осы жеңістің арқасында қазақстандық хоккейші қыздар қола медаль иеленуге тағы бір қадам жақындады. 25 ақпан күні отандастарымыз Таиландқа қарсы ойнайды.