Айгерім Әбілқадырова Париждегі турнирде қарсыласының аяғын неге тістеп алғанын түсіндірді
<span>Париждегі Grand Slam турнирінде қарсыласының аяғын тістеп алған қазақстандық дзюдошы Айгерім Әбілқадырова неліктен мұндай қадамға барғанын түсіндірді. </span>
<span>Айта кетелік, Айгерім турнирдің бірінші айналымында бельгиялық Шарлин ван Сникпен кездесіп, ұтылып қалды. Кейін белдесу соңында қарсыласының аяғынан тістеп алды. Желіде бейнжолдау жариялаған қазақстандық дзюдошы мұндай қадамға бару себебін айтты. </span>
<span>"Барлық диван сыншыларына жауап берейін. Кеше Париждегі Grand Slam турнирінде мен бельгиялық спортшымен күрестім. Ол менің шынтақ буынымды тартып, ауырту әдісін жасады. Мен берілгенімді білдіріп, белгі бердім. Бірақ бельгиялық спортшы</span><span> бұған қарамай, қолымды сындыра бастады. </span>
<span>Осыдан соң сол жақ буынымның қытырлай бастағанын естіп, амалсыздан және қатты ауырғандықтан автоматты түрде оны тістеп алдым. Оның үстіне, төреші бұл жағдайға мүлде мән бермей, белдесуді тоқтатпады", - деді Айгерім.</span>