«Басшылық жалақыны қысқартуды ұсынды, бірақ мен бас тарттым». Алмат Бекбаев – «Мақтааралдан» кетуі, карьерасын аяқтау жоспары туралы
Қазақстандық қақпашы Алмат Бекбаев Prosports.kz сайтына берген эксклюзив сұхбатында «Мақтааралдан» кетуі, Қазақстан құрамасының нәтижелері және карьерасын аяқтау жоспары туралы айтты.
– Алмат, «Мақтааралдан» кетуіңізге не себеп болды?
- Клубтағы бюджетті оңтайландыруға байланысты кетуіме тура келді. Кейбіріне жалақыны қысқартуға ұсыныс жасалды, сондықтан мен, Рифат Нұрмұғамет және Ілияс Әмірсейітов клубтан кетуге шешім шығардық, бұл кеткендердің соңғысы емеспіз деп ойлаймын.
– Клубтағы жұмысты қалай бағалар едіңіз? Атакенттіктер басшылығына ренішіңіз бар ма?
- Жұмысымды қанағаттанарлық деп бағалаймын. Иә, мен бар болғаны 3 кездесу өткізіп, жоғары дәреже көрсете алмадым. Мысалы, «Астанаға» қарсы ойында шабуылда негізгі шетелдік ойыншыларсыз, ең әлсіз құраммен ойнадық. Сондай-ақ «Шахтерден» 5 гол жіберіп алуым – бұл оқыс оқиға. «Қайратқа» қарсы да солай: біз бүкіл ойын бойы қорғаныста болдық, тек кездесудің соңында олар есепті ұстай бастағанда тұрғанда шабуылға көштік.
Ал ешқандай реніш жоқ. Келісімшартты тараптардың өзара келісімі бойынша бұздық.
– Бастапқыда «Мақтааралға» бірінші нөмір ретінде шақырылдыңыз ғой?
- Иә, мен негізгі ойыншы ретінде келісімшарт жасастым, бірақ мениск жарақатына байланысты біраз уақыт алаңға шыға алмадым, ота жасаттым.
– Екі аптадан кейін 38 жасқа толасыз. Осыған байланысты, мансабыңызды аяқтауды жоспарлап отырсыз ба?
- Мансабымды аяқтауды жоспарлап отырған жоқпын, өйткені өзімді жақсы сезінемін. Футбол ойнауды жалғастыра беремін - неғұрлым көп болса, соғұрлым жақсы.
– Сіз кеткеннен кейін «Жетісу» Бірінші лигаға ұшып кетті. Клубтың жағдайын бақылап жүрсіз бе?
– Мен «Жетысудан» кеткеннен бері клубты бақылап жүрмін. Өкінішке қарай, клуб қиын кезеңдерді бастан өткеріп жатыр, олар Бірінші лигада ойнайды, оның үстіне сәтсіз өнер көрсетіп жатыр.
- Қазақстан құрамасының Ұлттар лигасының маусым айындағы ойындарын көрдіңіз бе?
- Иә, әрине көрдім, бірақ Беларусь құрамасына қарсы матчты көре алмадым, өйткені матч түнде болды. Мен командамыз үшін және жоғары деңгейде өнер көрсеткен ойыншыларымыз үшін өте қуаныштымын. Меніңше, осы кезеңде матчтар көп болса, біз бірінші орынмен шығатын едік. Менің ойымша, бұл үзіліс қазіргі деңгейді сәл төмендетеді, бірақ біз бәрібір үздікпіз.
– Карьераңызды аяқтағаннан кейін бапкер болу жоспарыңызда бар ма?
– Әзірге ұзақ мерзімді жоспарлар құрған жоқпын, бірақ көп адам жаттықтырушы болуды айтып, ұсыныс жасайды. Шынымды айтсам, болғым келмейді. Бірақ ары қарай не болатынын көрейік.
– «Ордабасыны» чемпионаттың басында шетелдік оқу-жаттығу жиындарына баруға қаражаты болмаған кезбен салыстыратын болсақ, қазір олар - еурокубоктар үшін күресетін команда. Олар өз алаңында тамаша ойнайды, өз ойынын тапты. Мен «Ордабасының» түлегі болғандықтан, олардың ойындарын да бақылаймын.
Комментарии