«Қиын жыл болды». Кака биылғы сәтсіз ойындардың себебін түсіндірді
«Қайрат» АФК мен Қазақстан құрамасының бас бапкері Кака Prosports.kz сайтына берген сұхбатында биылғы сәтсіз ойындардың себебін түсіндірді.
- «Қайрат» АФК биылғы маусымда сенімсіз ойынағанының себебі неде?
- «Қайрат» Қазақстан құрамасының базалық клубы болғандықтан, биылғы маусымда біздің кестеміз өте тығыз болды. Бізге әлем чемпионатынан кейін қалыпқа келу физикалық ғана емес, психологиялық тұрғыдан да қиын болды. Менің ойымша, басты себеп осында, біздің құрам ротациялайтындай үлкен емес.
– Ойыншылар арасындағы жарақаттар көп болуының салдары қандай? Ойыншылардың ісіне кәсіби емес көзқарасы ма, олардың жеке физиологиялық ерекшеліктері ме немесе клубтың медициналық қызметкерлерінің қателіктері ме?
- Жұмыс кестесі тығыздығы ойыншыларға ғана қатысты емес. Бапкерлер де, медицина қызметкерлері де – бәріміз барынша жұмыс істедік. Бірақ ойындар бірінен соң бірі өтіп, біреу ойыннан шығып қалса, екіншісіне екі есе жүктеме түседі. Мұндай жағдайларда жарақат алмау мүмкін емес.
- Биылғы маусымда жаттықтырушылар мен команда үйінде көп болмайды. Бұл сізге және ойыншыларға әсер ете ме?
- Бұл, әрине, ойыншыларға эмоциялық тұрғыда және өз кезегінде нәтижеге әсер етеді. Біз ұзақ уақыт үйден, туған-туыстарымыздан алыс болдық, бірақ мұндай жағдайда да кейбір отбасылық мәселелерді шешуге тура келді. Бұл, әрине, қосымша жүк. Біздің көптеген жігіттер осы маусымдағыдай қарқынды әлі басынан өткерген жоқ.
– Өзіңіз үшін осы қиын маусымды қалай бағалар едіңіз? Әрі қарай – «Қайратта» да, Қазақстан құрамасында да жұмыс істеуге дайынсыз ба?
– Биыл бәріне қиын жыл болды, ерекше маусым болды. Мен, федерация және клубтар мұндайды ешқашан бастан өткерген жоқ. Бір жерде біз бәрін дұрыс жасап, әрине, қателескен кездер де болды. Біз тәжірибе жинадық. «Қайрат» Қазақстан құрамасы жоғары деңгейде өнер көрсетуі үшін көп нәрсені құрбан етті. Төрттік финалға бір жеңіліс кесірінен шыға алмадық.
Нәтиже үшін әрқашан бапкер жауап береді, мен «Қайрат» маусымды ерте аяқтауына кінәлі емеспін деп айта алмаймын, бірақ бәрібір біз жақсы деңгейде әрекет еттік деп ойлаймын.
- Бұрын көп ойнамаған ойыншыларға мүмкіндігінше көбірек ойын уақытын беруді жоспарлап отырмын. Әрине, жеңіске жетуге тырысамыз. Ең бастысы, жігіттерімнің аман-саулығы, өйткені 3 қаңтардан бастап Еуропа чемпионатының финалдық кезеңіне дайындықты бастаймыз.
Комментарии